2024 жылдың 6 желтоқсанында мектебімізде Республикалық бірыңғай «Жас Ұлан» балалар мен жасөспірімдер ұйымының қатарына салтанатты түрде қабылдау рәсімі өтті. Жиында оқушыларды директордың тәрбие ісі жөніндегі орынбасарының міндетін атқарушысы Исраилов Руслан Джабраилұлы құттықтады. 2024-2025 оқу жылында «Жас Ұланға» 5-а, 5-б, 5-в, 5-г сыныптарынан 47 оқушы және «Жас Қыранға» 1-а, 1-б, 1-в, 1-д сыныптарынан жалпы 98 оқушы қабылданды.
Қабылдаудың қорытынды бөлімінде «МИР» мектеп ұйымының президенті Прыгова Ангелина және мектеп комитетінің Ұланбасы Карпова Мария құттықтау сөз сөйледі. Жасұланшылар мен жасқыраншыларды республикалық «Жас Ұлан» мен "Жас қыран" ұйымының қатарына қосылуымен құттықтап, оларға шығармашылық табыстар, жеңістер және алдағы уақытта да жетістіктер тілейміз!